Enska úrvalsdeildin hefst í fyrsta sinn á föstudegi

Í fyrsta sinn í sögu ensku úrvalsdeildarinnar verður upphafsleikur tímabilsins á föstudegi.

Tímabilið 2017-18 hefst með leik Arsenal og Leicester City á Emirates föstudaginn 11. ágúst klukkan 18:45.

Leicester lék einnig upphafsleikinn í fyrra og tapaði þá óvænt fyrir nýliðum Hull City.

Í hádeginu laugardaginn 12. ágúst sækir Liverpool Watford heim. Í síðdegisleiknum fá nýliðar Brighton Manchester City í heimsókn.

Tveir leikir eru sunnudaginn 13. ágúst. Newcastle United og Tottenham mætast á St James' Park klukkan 12:30 og klukkan 15:00 er komið að leik Manchester United og West Ham á Old Trafford.

5️⃣ more weeks. #FridayFeeling pic.twitter.com/rmN8Qy1Jh6

— Premier League (@premierleague) July 7, 2017