Sjáðu markið mikilvæga hjá Martial og öll hin mörkin úr leikjunum í gær | Myndbönd

Alls voru 18 mörk skoruð í sjö leikjum í ensku úrvalsdeildinni í gær.

Mark Anthonys Martial tryggði Manchester United 1-0 sigur á Tottenham í hádeginu.

Manchester City vann sinn áttunda leik í röð þegar liðið bar sigurorð af West Brom, 2-3, á The Hawthornes.

Liverpool vann 3-0 sigur á Huddersfield þegar lið góðvinanna Jürgens Klopp og Davids Wagner mættust á Anfield.

Eden Hazard skoraði eina mark leiksins þegar Chelsea sótti Bournemouth heim. Arsenal lenti undir gegn Swansea City en kom til baka og vann 2-1 sigur.

Wilfried Zaha tryggði Crystal Palace stig gegn West Ham þegar hann jafnaði metin í 2-2 þegar sjö mínútur voru komnar fram yfir venjulegan leiktíma.

Þá vann Stoke City 0-1 útisigur á Watford þökk sé marki Darrens Fletcher.

Mörkin úr leikjunum sjö má sjá hér að neðan.

Man Utd 1-0 Tottenham

West Brom 2-3 Man City

Liverpool 3-0 Huddersfield

Bournemouth 0-1 Chelsea

Arsenal 2-1 Swansea

Crystal Palace 2-2 West Ham

Watford 0-1 Stoke