Skoraði ekki í 34 landsleikjum í röð en svo tvisvar á fjórum dögum
Jóhann Berg Guðmundsson kom íslenska landsliðinu í 2-0 í leiknum mikilvæga á móti Kósóvó á Laugardalsvellinum í kvöld en íslenska landsliðið tryggir sér sæti á HM með sigri.
Jóhann Berg var þarna að skora í sínum öðrum landsleik í röð en hann skoraði fyrsta mark íslenska landsliðsins í 3-0 sigri úti í Tyrklandi á föstudagskvöldið.
Jóhann Berg hefur nú skorað 6 mörk í 62 landsleikjum en hann þurfti að bíða lengi eftir marki númer fimm.
Þegar Jóhann Berg skoraði í leiknum á móti Tyrklandi þá var hann ekki búinn að skora í 34 landsleikjum í röð eða síðan að hann skoraði þrennuna eftirminnilegu á móti Sviss úti í Bern.
Jóhann Berg var kominn með 4 landsliðsmörk í 26 landsleikjum eftir þann leik en síðan liðu fjögur ár og einn mánuður, samtals 1491 dagur, þar til hann var aftur á skotskónum í landsliðsbúningnum.
Það er ekki hægt að kvarta mikið yfir tímasetningunni á mörkum Jóhanns því þessi tvö mörk hans voru gríðarlega mikilvæg í baráttunni um HM-sætið.
Hann kom okkur á bragðið á móti Tyrkjum og kom íslenska liðinu síðan í frábæra stöðu á móti Kósóvó.
Tengdar fréttir
Heimir sýndi engin viðbrögð þegar Gylfi skoraði
Landsliðsþjálfarinn Heimir Hallgrímsson ætlar að halda ró sinni í kvöld þegar strákarnir hans fá tækifæri til að tryggja sér sæti á HM í fyrsta sinn.
Gylfi er nú einn í þriðja sætinu á markalista landsliðsins
Gylfi Þór Sigurðsson skoraði sitt átjánda mark fyrir íslenska landsliðið í kvöld þegar hann kom Íslandi í 1-0 á móti Kósóvó í Laugardalnum.
Twitter í hálfleik: „Burtu með þennan flugvöll og reisum styttu af Gylfa"
Ísland er 1-0 yfir gegn Kósóvó á Laugardalsvelli, en með sigri er Ísland á leiðinni á Heimsmeistaramótið í Rússlandi 2018.
Í beinni: Ísland - Kosóvó 1-0 | Gylfi búinn að koma Íslandi yfir
Sigur Íslands í kvöld gegn Kosóvó gulltryggir farseðilinn á HM í Rússlandi næsta sumar.
