Kveikti í æskulýðsmiðstöð hinsegin fólks í Phoenix

Lögreglan í Phoenix í Arizona leitar nú manns sem náðist á myndband kveikja í æskulýðsmiðstöð hinsegin fólks. Maðurinn gekk hinn rólegasti inn í húsnæðið með eldsneytisbrúsa í hendinni og helti hann eldsneytinu út um öll gólf. Því næst gekk hann út og kveikti í.

Maðurinn er sagður heita Darren William Beach og er 26 ára gamall. Lögreglan hefur biðlað til almennings við leitina að honum.

Samkvæmt frétt AzCentral.com var Beach sótti Beach miðstöðina reglulega þar til hann varð 25 ára og því of gamall.

Linda Elliot, framkvæmdastjóri miðstöðvarinnar, segir að bygging nýs húsnæðis hafi byrjaði í síðasta mánuði. Hins vegar urðu mikið af eigum miðstöðvarinnar eldinum að bráð. Elliot segir þó að íbúar nærliggjandi hverfa hafi streymt til þeirra í dag og í gær og gefið þeim ýmsa muni og jafnvel peninga.

.@PHXFire is asking for your help locating this arson suspect. Call 480-WITNESS. https://t.co/0CfJfu7Q3W pic.twitter.com/pabHLVFoak

— Phoenix Police (@phoenixpolice) July 27, 2017