Manchester United staðfestir komu Lukaku

Manchester United hefur gefið frá sér tilkynningu þess efnis að félagið hafi komist að samkomulagi við Everton um kaup á belgíska framherjanum Romelu Lukaku.

Breskir fjölmiðlar greindu frá því fyrr í vikunni að samkomulag hafi náðst, en ekkert heyrðist frá félögunum fyrr en í morgun.

#MUFC is delighted to announce a fee has been agreed with Everton for the transfer of Romelu Lukaku, subject to a medical & personal terms. pic.twitter.com/O7oQJWzYHo

— Manchester United (@ManUtd) July 8, 2017

 

Lukaku á þó eftir að komast að persónulegu samkomulagi við United og standast læknisskoðun félagsins.

Þessi 24 ára framherji fór á kostum með Everton á síðasta tímabili og skoraði 25 mörk fyrir félagið í ensku úrvalsdeildinni.

Forráðamenn Manchester United munu vilja klára samningaviðræðurnar áður en félagið heldur í æfingaferð til Bandaríkjanna á sunnudag.

Lukaku er góður vinur franska framherjans Paul Pogba og er talið að vinskapur þeirra hafi verið ein af ástæðum þess að Lukaku valdi United fram yfir ensku meistarana í Chelsea. Pogba birti myndband á Instagram í morgun og skrifar undir það „Sjáumst á æfingu á morgun Lukaku.“

 

See you tomorrow in training @rlukaku9 #bienvenue #AgentP

A post shared by Paul Labile Pogba (@paulpogba) on Jul 8, 2017 at 12:20am PDT