Sungið til bökumannsins í rútu á leið á Wembley | Myndband

Wayne Shaw eða átvaglið í Sutton eins og hann er nú stundum kallaður var ekkert að fela sig heima um helgina þrátt fyrir fjölmiðlaumfjöllun um sig síðustu daga.

Shaw komst í sviðsljósið fyrir viku síðan þegar hann borðaði böku á varamannabekk Sutton í bikarleik gegn Arsenal en hann er nú til rannsóknar hjá enska knattspyrnusambandinu fyrir það athæfi.

Það er ekki vegna þess að þessi 137 kílóa markvörður eigi að passa línurnar heldur vegna þess að hann vissi að hægt var að veðja á hvort hann myndi fá sér eina böku á bekknum. Shaw var beðinn um að hætta hjá Sutton sem og hann gerði.

Shaw er uppalinn hjá Southampton og heldur með liðinu í ensku úrvalsdeildinni. Hann ætlaði því ekki að missa af sínum mönnum spila til úrslita í enska deildabikarnum og ferðaðist með stuðningsmönnum Dýrlinganna í rútu frá suðurströndinni. Heiðarlegra gerist það ekki.

Shaw er gríðarlega vinsæll og var sungið um hann þegar markvörðurinn var að koma sér fyrir í rútunni eins og sjá má í myndbandinu hér að neðan.

Quality, former Sutton United keeper Wayne Shaw on his way to the EFL Cup final with fans singing "Get your pasty out" credit:@conoravery13 pic.twitter.com/6fqcrjavQ2

— matt (@pxradice) February 26, 2017