Erlent

Friðarviðræður hafnar í Astana

atli ísleifsson skrifar
Utanríkisráðuneyti Kasakstan hefur gefið það út að viðræðurnar klárist á morgun.
Utanríkisráðuneyti Kasakstan hefur gefið það út að viðræðurnar klárist á morgun. Vísir/AFP
Friðarviðræður sem ætlað er að binda enda það ófremdarástand sem ríkt hefur í Sýrlandi síðustu ár hófust í kasöksku höfuðborginni Astana í morgun.



Stjórnvöld í Rússlandi og Íran, sem bæði styðja stjórn Bashar al-Assad Sýrlandsforseta, hafa milligöngu um viðræður Sýrlandsstjórnar og fulltrúa ýmissa uppreisnarhópa í landinu.



Í frétt BBC kemur fram að uppreisnarmenn segjast ekki munu ræða beint við fulltrúa Sýrlandsstjórnar.



Síðustu friðarviðræður vegna ástandsins í Sýrlandi, sem Sameinuðu þjóðirnar höfðu milligöngu um, runnu út í sandinn snemma árs 2016.



Hryðjuverkasamtökin ISIS, sem ráða enn yfir stórum landsvæðum í Sýrlandi, taka ekki þátt í viðræðunum.



Utanríkisráðuneyti Kasakstan hefur gefið það út að viðræðurnar klárist á morgun.



Rúmlega 300 þúsund manns hafa fallið og 11 milljónir manna eru á flótta vegna borgarastyrjaldarinnar sem staðið hefur frá árinu 2011.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.