Tottenham hefur áhuga á Malcom

Tottenham Hotspur hefur áhuga á brasilíska ungstirninu Malcom sem spilar með Bordeaux í Frakklandi.

Malcom varð tvítugur á þessu ári og hefur spilað vel fyrir Bordeaux á þessari leiktíð og skorað sjö mörk í tuttugu leikjum.

Tottenham er þó ekki eina liðið sem hefur áhuga á Malcom en talið er að Manchester United og Bayern Munchen hafi bæði áhuga.

Bordeaux er þó ekki að leitast eftir því að selja leikmanninn og er talið að liðið myndi vilja fá 50 milljónir punda fyrir leikmanninn sem er hærri upphæð en Tottenham hefur nokkurn tímann greitt fyrir leikmann.