Tengsl forsetaframbjóðanda Græningja við Rússland til rannsóknar

Þingnefnd öldungadeildar Bandaríkjaþings um njósnamál rannsakar nú tengsl Jill Stein, forsetaframbjóðanda Græningja, við Rússland. Komið hefur í ljós að Stein var viðstödd kvöldverð í Moskvu árið 2015, þar sem verið var að fagna afmælis ríkisreknar sjónvarpsstöðvar í Rússlandi.

Kvöldverðurinn hefur vakið athygli þar sem Michael Flynn, fyrrverandi þjóðaröryggisráðgjafi Donald Trump, var einnig viðstaddur og sat við hliðina á Vladimir Putin, forseta Rússlands. Stein sat við sama borð.

Þingnefndin rannsakar afskipti stjórnvalda í Rússlandi af forsetakosningunum í Bandaríkjunum í fyrra.

Stein sagði í tilkynningu í dag að hún ætlaði að starfa að fullu með nefndinni og afhenda öll gögn sem sneru að málinu. Enn fremur segir hún að hún hafi fengið boð um að mæta á kvöldverðinn og að framboð hennar hefði ekki fengið neinar greiðslur fyrir ferðina.



Um eitt prósent Bandaríkjamanna kusu Stein í kosningunum í fyrra.

Samkvæmt frétt Washington Post eru þessar vendingar til marks um að rannsókn þingnefndarinnar sé ekki að ljúka, eins og hefur verið haldið fram um rannsóknarnefnd fulltrúadeildarinnar.