Messan: Tekur Klopp tíma að búa til sitt lið

Gengi Liverpool undir stjórn Jürgen Klopp hefur verið upp og niður en hann er að vinna með lið sem hann fékk í arf. Ekki með mönnum sem hann keypti. Þetta er ekki enn hans lið.

„Mér finnst menn oft ekki fá þann tíma til þess að gera lið að sínu. Menn þurfa eitt til tvö ár að lágmarki áður en þeir geta sagt að þetta sé þeirra lið. Klopp gerir sér alveg grein fyrir því að hann þarf að bæta við sig mönnum en janúarglugginn er ekkert rosalega góður,“ segir Þorvaldur Örlygsson en Hjörvar Hafliðason bendir þó réttilega á að Liverpool hafi sótt menn eins og Luis Suarez og Daniel Sturridge í þessum glugga.

„Núna byrjar Klopp að versla en við sjáum það fyrst næsta sumar hvort að nafnið hans dragi að sér einhverja alvöru leikmenn. Hann er örugglega þegar búinn að hugsa um einhverja þrjá til fjóra leikmenn en svo er spurning hann fái þá eður ei,“ segir Arnar Gunnlaugsson.

Hlusta má á umræður Messudrengja um Liverpool hér að ofan.