United-liðið er komið heim til Manchester eftir skrautlega æfinga- og keppnisferð til Kína.
Hinn 34 ára gamli Zlatan fékk lengra frí eftir EM í Frakklandi en hann var mættur á Carrington, æfingasvæði United, í morgun.
Það var létt yfir Zlatan í rigningunni í Manchester þar sem hann tók þátt í léttri æfingu undir vökulu auga knattspyrnustjórans Jose Mourinho.
Zlatan gæti leikið sinn fyrsta leik fyrir United þegar liðið mætir Galatasary í Gautaborg á laugardaginn.
Zlatan kom á frjálsri sölu til United frá Paris Saint-Germain í sumar en næsta tímabil verður hans fyrsta í ensku úrvalsdeildinni á ferlinum.
Hér að ofan má sjá nokkrar myndir af Zlatan á æfingunni á Carrington í dag.
