Minnst 50 eru látnir og 53 sagðir særðir eftir að hinn hinn 29 ára gamli Omar Mateen gekk inn á skemmtistað LGBT fólks, sem heitir Pulse, í Orlando klukkan sex í morgun að íslenskum tíma, miðnætti að staðartíma, og hafið þar skothríð.
Hann var vopnaður árásarriffli og skammbyssu. Lögregluþjónn skammt frá skiptist á skotum við Mateen fyrir utan Pulse, en Muteen fór aftur þar inn og tók gísla. Um þremur tímum seinna brutu lögregluþjónar sér leið í gegnum vegg hússins og björguðu þar um 30 manns. Sérsveitarmenn sem ruddu sér leið inn á skemmtistaðinn skutu Mateen til bana.
Er þetta mannskæðasta skotárás í sögu Bandaríkjanna en Obama hefur reynt að beita sér fyrir því að löggjöf varðandi skotvopn verði breytt.
