Panama-skjölin hafa fest sig í sögu eins lands, Íslands. Þetta segir í frétt Le Petit Journal um málið. Le Petit Journal er franskur fréttaskýringarþáttur sem færir Frökkum fréttir í gamansömum tón. Á þriðjudaginn ýttu mótmæli forsætisráðherranum út og eru tveir aðrir ráðherrar tengdir skjölunum. Þeir hættu ekki.
„Í gær boðaði ríkisstjórnin til blaðamannafundur og þú sérð að þar kom fram að þeir ætli sér ekki að hlusta á mótmælendur," sagði Martin í fréttinni.
Á blaðamannafundinum spurði Martin Bjarna hvort hann ætlaði að sitja áfram í ljósi þess að mótmælendurnir úti væru að biðja um afsögn hans. „Það hljómar eins og þú haldir að ég muni ekki gera það,“ svarar Bjarni og segir að hann muni halda áfram.
Franska byltingin sem átti sér stað á árunum 1789 - 1799 var, eins og flestum er kunnugt, upphafið að því að einræðisríki véku fyrir lýðræðisríkjum í Evrópu. Lýðræði er ekki fullkomið stjórnarform, því heldur enginn fram, en það eru þó langflestir íbúar vestrænna ríkja sammála um að það sé skásta stjórnarformið sem við höfum. Ísland varð lýðveldi árið 1944.
Tístarar hafa gert viðtalið að umtalsefni sínu eins og sjá má hér að neðan.
Er að meta að þessi franski tittur frá Canal+ hafi eiginlega smókað Bjarna. Is this democracy in Iceland?
— Halldór Halldórsson (@DNADORI) April 8, 2016
„Hvernig ætlar þú að gera það? Þeir munu ekki hætta að mótmæla fyrr en þú hættir?," spyr Martin.
„Sagði þér einhver það," svarar Bjarni.
„Já allir úti," segir Martin.
Þá svarar Bjarni að þeir munu fá sitt tækifæri í lýðræðislegum kosningum í haust.
„Þú ætlar ekki að hætta?," spyr þá Martin og svarar Bjarni ekki.
„Er þetta lýðræði á Íslandi," spyr Martin þá.
„Hvaðan ert þú," spyr Bjarni.
Greyið Bjarni - þetta er agalegt viðtal #cashljós #panamapapers https://t.co/GHBHj3GFvS
— Gudrun Jona (@gudrunjona) April 8, 2016
Martin heldur áfram að spyrja Bjarna, traustið sé brotið hvernig geti hann setið áfram og Bjarni svarar honum að hann verði að róa sig og segist hafa svarað spurningum Martin.
Fréttamenn hér á landi hafa þráspurt Bjarna þess sama, hvort honum sé sætt í embætti áfram, en það setur málið í nýtt samhengi að sjá erlendan miðil fjalla um málið og eiga bágt með að samþykkja útskýringar Bjarna.
Að lokum í þættinum segir þáttastjórnandinn kaldhæðnislega við Martin: „Þú ert að eignast vini á Íslandi!"
Magnað að sjá fólk tísta um að Bjarni sé að standa sig vel. Hann gæti allt eins bara barið sér í brjóst og gólað.https://t.co/wrcTTcKpM7
— Logi Pedro (@logifknpedro) April 8, 2016
Government arrogance on clear display for my french speaking friends @Bjarni_Ben https://t.co/TPC9gTc2lE #panamapapers
— Arnaldur Sigurðarson (@Arnaldtor) April 8, 2016
Bjarni hefði þurft að reykja sig duglega niður fyrir þennan blaðamannafund. https://t.co/iM1Uw0vdx7
— Stígur Helgason (@Stigurh) April 7, 2016
