PSG hótar rappara lögsókn

Franska úrvalsdeildarfélagið PSG hefur sent bresku tónlistarkonunni MIA bréf þar sem því er hótað að félagið muni beita lagalegum úrræðum vegna treyju sem hún klæðist í nýlegu tónlistarmyndbandi.

Auglýsingu flugfélagsins Emirates hefur verið breytt á treyju sem MIA klæðist í myndbandi við lagið Borders en þar hefur slagorði fyrirtækisins verið breytt úr „Fly Emirates“ í „Fly Pirates“.

Í laginu og myndbandinu sem því fylgir tekst MIA á við flóttamannavandann vegna ástandsins í Sýrlandi en forráðamönnum PSG gera alvarlegar athugasemdir við að félagið skuli vera bendlað við umræðuna á þennan hátt.

Félagið fer fram á bætur fyrir þann skaða sem notkun treyjunnar í umræddu myndbandi hefur valdið félaginu og hótar því að leita lagalega úrræða til að fá sínu fram.

MIA birti nýlega umrætt bréf frá PSG á Twitter-síðu sinni.

pic.twitter.com/7e4BnbmwIH

— M.I.A (@MIAuniverse) January 11, 2016