Þriðji leikurinn í röð án sigurs hjá Leicester

Leicester þurfti að sætta sig við markalaust jafntefli gegn nýliðum Bournemouth í dag þrátt fyrir að leika manni fleiri síðasta hálftíma leiksins.

Eftir frábært gengi fyrir jól hafði Leicester aðeins fengið eitt stig úr síðustu tveimur leikjum geng Liverpool og Manchester City og vildu lærisveinar Claudio Ranieri eflaust svara fyrir það.

Fátt var um fína drætti í fyrri hálfleik en á 60. mínútu var dæmt vítaspyrna á Bournemouth og rautt spjald á Simon Francis fyrir brot á Jamie Vardy.

Riyad Mahrez steig á vítapunktinn en lét Artur Borac í marki Bournemouth verja frá sér en leikmönnum Leicester gekk illa að skapa sér færi í leiknum.

Tíu leikmönnum Bournemouth tókst að halda út síðasta hálftímann og fögnuðu stiginu að leikslokum en með jafnteflinu skýst Bournemouth upp fyrir Chelsea sem á leik til góða.