Sterkur Argentínumaður til Bournemouth

Bournemouth staðfesti síðdegis að félagið hafi náð samkomulagi við Roma á Ítalíu um að fá Juan Iturbe að láni til loka tímabilsins.

Til stóð að Iturbe kæmi til Watford síðastliðið sumar en ekkert varð af því. Bournemouth getur svo keypt hann í lok tímabilsins en kaupverðið er sagt vera í kringum ellefu milljónir punda.

Iturbe hefur ekki enn fengið atvinnuleyfi í Englandi en þessi 22 ára kantmaður kom til Roma frá Verona fyrir 22 milljónir evra árið 2014.

Hann hefur þó ekki náð sér á strik hjá Roma og skorað þrjú mörk í 39 leikjum, þar af aðeins eitt á þessu tímabili. Iturbe spilaði í Paragvæ þar til hann var keyptur til Porto árið 2011.