Man. Utd boðið að fá Mandzukic

Króatíski framherjinn Mario Mandzukic fer í taugarnar á þjálfara Atletico Madrid, Diego Simeone, sem vill losna við hann.

„Hann fer mjög auðveldlega í taugarnar á mér. Það er sannleikurinn. Hann er frábær leikmaður og ágætis strákur samt. Strákurinn er svekktur yfir því að hafa ekki náð að sýna sitt besta á þessu ári," sagði Simeone.

Simeone er að reyna að fá Carlos Tevez, fyrrum leikmann Man. Utd og núverandi leikmann Juventus, til liðs við félagið og því er Mandzukic á lausu. Hermt er að búið sé að bjóða Man. Utd að kaupa leikmanninn.

David Moyes hafði áhuga á því að kaupa hann er hann stýrði Man. Utd en spurning hvort Louis van Gaal hafi áhuga.