Mulumbu til nýliðanna

Nýliðar Norwich City í ensku úrvalsdeildinni hafa samið við miðjumanninn Youssouf Mulumbu.

Mulumbu, sem er 28 ára landsliðsmaður frá Lýðveldinu Kongó, var látinn fara frá West Brom á dögunum en hann skrifaði undir tveggja ára samning við Norwich sem vann sér sæti í ensku úrvalsdeildinni eftir sigur á Middlesbrough í umspili í vor.

Mulumbu lék með West Brom í sex ár en hann kom til félagsins frá Paris Saint-Germain á sínum tíma. Mulumbu lék 17 leiki með West Brom á síðasta tímabili en hann var ekki í náðinni hjá Tony Pulis eftir að hann tók við liðinu.

Mulumbu er annar leikmaðurinn sem Norwich fær frá West Brom en áður var Graham Dorrans búinn að semja við nýliðana.