Mourinho: Sum félög hafa valdið vonbrigðum í 15 ár með sama stjóra

Jose Mourinho, stjóri Chelsea, skaut föstum skotum að árangri Arsene Wenger, stjóra Arsenal, á blaðamannafundi fyrir stórleik Chelsea gegn Manchester City í ensku úrvalsdeildinni í dag.

„Afhverju? Sum önnur félög hafa valdið vonbrigðum í fimmtán ár og eru enn með sama stjórann,” sagði Mourinho aðspurður um hvort það komi honum á óvart að Manuel Pellegrini sé enn stjóri Manchester City fetir að hafa einungis lent í öðru sæti á síðustu leiktíð.

Mourinho kallaði Wenger mjög góðan í klúðri á síðustu leiktíð og útistöður milli þeirra tveggja halda áfram, en Mourinho segir að það sé erfitt að fylgja á eftir góðum árangri tímabilið áður.

„Þegar þú vinnur, þá er erfiðara að gera það aftur. Afhverju hefur ekkert lið unnið Meistaradeildina tvö ár í röð?” sagði hinn skrautlegi Mourinho.

Arsenal hefur unnið bikarinn tvö ár í röð, en ekki unnið ensku úrvalsdeildina síðan tímabilið 2003/04 og bendir Mourinho á það.

Chelsea métier Manchester City í stórleik dagsins, en hann hefst klukkan 15:00 á Etihad leikvanginum í Manchester.