Sveltu tveggja ára dreng til að særa út illan anda

Kona sem starfrækti kirkju á heimili sínu í úthverfi Dallas hefur ákærð fyrir að hafa aðstoðað við að svelta tveggja ára dreng til að losa hann við „illa anda“.

Lögregla segir drenginn hafa látist og konuna hafa að því loknu haldið sérstaka upprisuathöfn til að vekja hann aftur til lífsins.

AP greinir frá því að lögregla telji drenginn þegar hafa verið látinn þegar athöfnin fór fram og að foreldrarnir hafi farið með lík drengsins aftur til heimalands síns Mexíkó án þess að tilkynna bandarískum yfirvöldum um andlátið.

Lögreglumaðurinn Mark Maret segir lögreglu hafa borist ábending um athöfnina á heimili hinnar 49 ára Araceli Meza þar sem nokkur fjöldi meðlima kirkjunnar býr. Maret segir ekki ólíkegt að fleiri handtökur séu væntanlegar vegna málsins.

Sjónarvottar segja Meza og foreldra drengsins hafa talið að illur andi hafi verið í barninu og að þau hafi látið vera að gefa barninu að borða til að losa hann við andann. „Þau gáfu barninu ekkert að borða í 25 daga. Þau gáfu því einungis vatn sem leiddi að lokum til dauða barnsins,“ segir Maret.