Lík hermanna sem fórust í Pearl Harbor grafin upp

Líkamsleifar nærri fjögur hundruð bandarískra hermanna sem féllu í árásinni á Pearl Harbor verða brátt grafnar upp þannig að mögulegt verði að bera kennsl á þá látnu og jarða hvern og einn í eigin gröf.

Hermennirnir voru um borð í herskipinu USS Oklahoma þegar japanski herinn gerði loftárás á Pearl Harbor á Hawaii árið 1941.

Í frétt BBC kemur fram að líkamsleifum mannanna hafi upphaflega verið komið fyrir í stórri gröf á Hawaii.

Japansher gerði skyndilega árás á herstöðina þann 7. desember 1941 og er áætlað að rúmlega 2.400 manns hafi fallið.