Watford valtaði yfir Liverpool - Sjáðu mörkin

Watford gerði sér lítið fyrir og valtaði yfir Liverpool í ensku úrvalsdeildinni í knattspyrnu í dag og fór leikurinn 3-0.

Nathan Ake skoraði fyrsta mark leiksins strax á þriðju mínútu eftir slæm mistök frá Bogdan í markinu hjá Liverpool.

Aðeins tíu mínútum síðar var staðan orðin 2-0 þegar Odion Ighalo skoraði laglegt mark. Það var síðan fimm mínútum fyrir leikslok þegar Ighalo skoraði sitt annað mark í leiknum og kom Watford í 3-0.

Watford er í sjöunda sæti deildarinnar með 28 stig en Liverpool í því níunda með 24 stig.

Nathan Ake kemur Watford í 1-0 Odion Ighalo kemur Watford í 2-0 Odion Ighalo kemur Watford í 3-0