Fyrsti deildarsigur Swansea í tvo mánuði

Swansea vann sinn fyrsta sigur í deildinni í tvo mánuði þegar liðið vann góðan 1-0 sigur á WBA á Liberty leikvanginum í Wales fyrr í dag.

Gylfi Sigurðsson lék allan leikinn fyrir Swansea og lék vel, en hann hefur leikið vel undanfarnar vikur. Suður-Kóreumaðurinn Sung-Yeung Ki gerði eina mark leiksins á níundu mínútu.

Lokatölur urðu 1-0, en þeta var fyrsti sigur Swansea síðan 24. október. Alan Curtis, bráðabirgðarstjóri Swansea, stýrði liðinu í dag eins og í síðustu tveimur leikjum.

Swansea kom sér upp úr fallsæti með sigrinum, en þeir eru í sextánda sætinu með átján stig. WBA er í þrettánda sætinu með 20 stig.