Þetta vilja Messu-strákarnir fá í jólagjöf | Myndband

Messan fór í gær yfir 17. umferð ensku úrvalsdeildarinnar sem lauk með sigri Arsenal á Manchester City í stórleik umferðarinnar.

Það er mikið um að vera í enska fótboltanum yfir jól og áramót en gestir Hjörvars Hafliðasonar í Messunni í gær, Arnar Gunnlaugsson og Jóhannes Karl Guðjónsson, spiluðu í mörg ár í Englandi og þekkja það því vel að spila svona marga leiki yfir hátíðirnar.

Hjörvar og Messu-strákarnir voru í jólaskapi í þættinum í gær og sögðu meðal annars frá því hvað þeir vilja fá í jólagjöf.

Næsta umferð ensku úrvalsdeildarinnar fer fram á öðrum degi jóla, 26. desember, en næsta Messa verður mánudagskvöldið 28. desember.

Hvort strákarnir segi frá því þá hvað þeir fengu í jólagjöf verður að koma í ljós eftir tæpa viku en í myndbandinu fyrir ofan má sjá hvað þeir Hjörvar, Arnar og Jóhannes Karl vilja sjá í pökkunum sínum 24. desember.