Svíar fóru illa að ráði sínu

Svíþjóð mátti sætta sig við jafntefli, 3-3, gegn Nígeríu í fjörugum leik á HM kvenna í Kanada.

Svíar komust í 2-0 forystu í fyrri hálfleiki með sjálfsmarki og marki Nillu Fischer. Nígería jafnaði þó metin með tveimur mörkum á þriggja mínútna kafla snemma í síðari hálfleik. Ngozi Okobi og Asisat Oshoala voru þar að verki.

Linda Sembrant endurheimti þó forystuna fyrir Svía á 60. mínútu en Nígería gafst ekki upp og uppskar jöfnunarmark á 87. mínútu. Fransisca Ordega skoraði það.

Bandaríkin og Ástralía eigast við í sama riðli síðar í kvöld.