Watford vann annan leikinn í röð í nýliðaslagnum | Úrslit dagsins

Watford vann annan leik sinn í röð í ensku úrvalsdeildinni í dag á heimavelli 2-0 gegn Norwich en með sigrinum skaust Watford upp í 9. sæti ensku úrvalsdeildarinnar.

Troy Deeney kom heimamönnum á Vicerage Road yfir á 30. mínútu af vítapunktinum og bætti Odion Ighalo við öðru marki Watford í uppbótartíma og tryggði stigin þrjú.

Lærisveinar Ronald Koeman náðu að bjarga stigi í seinni hálfleik í 1-1 jafntefli Aston Villa í dag. Joleon Lescott kom Aston Villa yfir með fyrsta marki sínu fyrir félagið skömmu fyrir lok fyrri hálfleiks en Oriel Romeu jafnaði metin fyrir Southampton á 71. mínútu leiksins.

Þá skyldu West Brom og Tottenham jöfn 1-1 á The Hawthorns en James McClean jafnaði metin á 39. mínútu leiksins eftir að Delle Alli hafði komið Tottenham yfir í upphafi leiksins.

Úrslit dagsins:

Southampton 1-1 Aston Villa

Watford 2-0 Norwich

West Brom 1-1 Tottenham