Eriksen hetja Tottenham

Daninn Christian Eriksen dró vagninn og skaut Tottenham í úrslit deildabikarsins í kvöld.

Spurs lenti þá í miklum vandræðum með Sheff. Utd en gerði að lokum jafntefli, 2-2, og komst í úrslit 3-2 samanlagt.

Eriksen kom Spurs yfir í fyrri hálfleik með draumamarki. Þrettán mínútum fyrir leikslok skoraði Che Adams tvö mörk með tveggja mínútna millibili og setti allt í háaloft.

Tveim mínútum fyrir leikslok kom Eriksen aftur til bjargar og skoraði markið sem kom Tottenham í úrslit.

Spurs spilar við Chelsea í úrslitaleiknum.

Hér að ofan má sjá draumamark Eriksen í fyrri hálfleik. Hin mörkin má sjá hér að neðan.

1-1. Che Adams. 1-2. Adams skorar aftur. 2-2. Eriksen kemur Spurs á Wembley.