Kanada vann opnunarleikinn | Sjáðu það helsta úr leiknum

Kanada vann Kína í opnunarleik heimsmeistaramóts kvenna sem fer fram í Kanada í júní, en eina mark leiksins kom úr vítaspyrnu í uppbótartíma. 53 þúsund áhorfendur voru á leiknum.

Staðan var markalaus í hálfleik, en eina mark leiksins kom eins og fyrr segir í uppbótartíma. Christine Sinclair skoraði þá af vítapunktinum og tryggði Kanada 1-0 sigur.

Þessi lið eru með Hollandi og Nýja-Sjálandi í riðli, en Holland vann viðureign þeirra liða 0-1. Ísland vann Holland í æfingarleik liðanna í vetur.

Ísland á fulltrúa á mótinu því María Þórisdóttir, dóttir Þóris Hergeirssonar þjálfara norska kvennalandsliðsins í handbolta, spilar með norska liðinu. Noregur mætir Taílandi klukkan 17:00 í dag.

Allt það helsta úr leiknum: