Negldi Stoke síðasta naglann í líkkistu Van Gaal? | Sjáðu mörkin

Manchester United tapaði sínum þriðja leik í röð í ensku úrvalsdeildinni og fjórða leik í röð í öllum keppnum þegar liðið tapaði 2-0 fyrir Stoke City á Britannia vellinum.

Eftir nítján mínútna leik kom fyrsta markið. Glen Johnson hirti þá boltann eftir hörmuleg mistök Memphis Depay og Johnson lagði hann á Bojan Krkic sem skoraði.

Einungis sjö mínútum síðar kom mark númer tvö og aftur voru það heimamenn í Stoke. Marko Arnautovic tvöfaldaði þá forystuna með þrumufleyg sem David De Gea átti ekki möguleika á að verja. Staðan 2-0 í hálfleik.

Wayne Rooney kom inn af varamannabekknum í hálfleik og hann átti frábæra sendingu á Fellaini sem tókst ekki að skora úr algjöru dauðafæri um miðjan hálfleikinn. United reyndi og reyndi, en tókst ekki að skora. Lokatölur 2-0 sigur Stoke.

Stoke er eftir sigurinn í áttunda sætinu með 26 stig, en Manchester united er í því sjötta með 29 stig. United á leik gegn Chelsea á mánudag á meðan Stoke heimsækir Everton.

Nú er að bíða og sjá hvort þetta hafi verið síðasti leikur Manchester United undir stjórn Louis van Gaal, en pressan á honum fyrir leikinn var mikil og hvað þá eftir þetta tap.

Frábært mark Arnautovic: