Enski boltinn

Allardyce ráðinn stjóri Sunderland

Ingvi Þór Sæmundsson skrifar
Allardyce stýrir Sunderland í fyrsta sinn gegn West Brom á laugardaginn í næstu viku.
Allardyce stýrir Sunderland í fyrsta sinn gegn West Brom á laugardaginn í næstu viku. vísir/getty
Sam Allardyce var í dag ráðinn knattspyrnustjóri Sunderland en hann skrifaði undir tveggja ára samning við félagið.

Allardyce hefur verið án starfs síðan hann hætti hjá West Ham United í vor eftir fjögurra ára starf.

Allardyce tekur við starfinu hjá Sunderland af Hollendingnum Dick Advocaat sem sagði starfi sínu lausu eftir 2-2 jafntefli við West Ham um síðustu helgi.

Allardyce bíður erfitt verkefni hjá Sunderland en liðið er í 19. og næstneðsta sæti ensku úrvalsdeildarinnar með einungis þrjú stig eftir átta leiki.

Hinn sextugi Allardyce hefur verið lengi að en hann stýrði áður Bolton, Newcastle United, Blackburn Rovers og West Ham í úrvalsdeildinni.

Allardyce þekkir ágætlega til hjá Sunderland en hann lék 26 leiki með liðinu tímabilið 1980-81.

Enski boltinn

Mest lesið


Fleiri fréttir

Sjá meira


×

Mest lesið