Enski boltinn

Síðasta Maracanazo-hetjan látin

Eiríkur Stefán Ásgeirsson skrifar
Vísir/Getty
Alcides Elgardo Ghiggia lést í gær, 88 ára. Hann er þekktur fyrir að hafa tryggt Úrúgvæ heimsmeistaratitilinn í knattspyrnu árið 1950 er hann skoraði sigurmarkið í 2-1 sigri á Brasilíu á hinum sögufræga Maracana-leikvangi.

Leikurinn er einn sá frægasti í knattspyrnusögunni en Brasilíu dugði jafntefli í leiknum til að tryggja sér sinn fyrsta heimsmeistaratitil í sögunni. Tapið var gríðarmikið áfall fyrir brasilísku þjóðina og ekki tókst að kveða niður drauginn þegar HM var haldið í Brasilíu á nýjan leik í fyrra, þökk sé 7-1 tapi gegn verðandi heimsmeisturum Þýskalands í undanúrslitum.

Sjá einnig: Draugurinn kveðinn niður

Ghiggia lést í gær, 16. júlí, á 65 ára afmælisdegi leiks Úrúgvæ og Brasilíu. „Þetta fyllti mig stolti og er ógleymanlegt. Stærsta stund lífs míns var á Maracana,“ sagði hann um markið.

„Aðeins þremur hefur tekist að þagga í Marcana,“ sagði Ghiggia. „Páfanum, Frank Sinatra og mér.“

Fótbolti

Tengdar fréttir

Draugurinn kveðinn niður?

Þó svo að Brasilía hafi orðið heimsmeistari í knattspyrnu oftar en allar aðrar þjóðir á þjóðin sárar minningar frá síðustu heimsmeistarakeppni sem haldin var þar í landi. Nú fyrst fær landslið Brasilíu tækifæri til að kveða niður draug HM 1950.

Okkar Hiroshima var HM 1950

„Í sögu hverrar þjóðar er að finna meiriháttar stórslys eða áfall, eitthvað eins og Hiroshima,“ sagði brasilíska leikskáldið Nelson Rodrigues eitt sinn.

Mest lesið


Fleiri fréttir

Sjá meira


×

Mest lesið