Einn efnilegasti leikmaður Englands kominn til Man City

Manchester City er nálægt því að ganga frá kaupum á Patrick Roberts, leikmanni Fulham í ensku B-deildinni.

Roberts þessi er aðeins 18 ára gamall en hann hefur leikið fjölda leikja fyrir yngri landslið Englands. Roberts lék 17 deildarleiki með Fulham á síðasta tímabili, þó aðeins þrjá í byrjunarliðinu.

Talið er að City greiði Fulham 11 milljónir punda fyrir þennan efnilega leikmann sem getur bæði leikið á hægri kantinum og fyrir aftan framherjann.

City hefur verið duglegt að kaupa unga enska leikmenn í sumar en auk Roberts eru Raheem Sterling og Fabian Delph komnir til liðsins.

City-menn eru ekki hættir á leikmannamarkaðinum en þeir róa nú öllum árum að því að kaupa Kevin de Bruyne, leikmann Wolfsburg og belgíska landsliðsins.

Uppfært 10.48. Roberts er nú formlega orðinn leikmaður Manchester liðsins eins og sjá má á tístinu hér að neðan. 

Manchester City are delighted to announce the signing of @patrick7roberts from @FulhamFC. #mcfc pic.twitter.com/Gg9pm7Kh7S

— Manchester City FC (@MCFC) July 19, 2015