Fyrsti sigur Tælands á HM | Myndband

Tæland vann sinn fyrsta sigur í lokakeppni heimsmeistaramóts þegar liðið bar sigurorð af Fílabeinsströndinni á HM í Kanada í gær.

Lokatölur 3-2, Tælandi í vil en mörkin úr leiknum má sjá hér að neðan.

Fílabeinsströndin, sem tapaði 10-0 fyrir Þýskalandi í fyrsta leik sínum, komst yfir á 4. mínútu með marki Ange Nguessean en Tælendingar svöruðu með þremur mörkum.

Orathai Srimanee skoraði tvö mörk og Thanatta Chawong eitt áður en Josee Nahi minnkaði muninn tveimur mínútum fyrir leikslok. Fílabeinsströndin fékk tækifæri til að jafna undir lokin en tókst ekki og Tæland fagnaði sigri.

Tæland er með þrjú stig í B-riðli en Fílabeinsströndin ekki neitt.

Í A-riðli gerðu Kanada og Nýja-Sjáland markalaust jafntefli.

Gestgjafarnir eru með fjögur stig á toppi riðilsins, einu stigi á undan Kína og Hollandi. Nýja-Sjáland er enn án stiga.