Langþráður sigur Columbus Crew

Kristinn Steindórsson kom inn á sem varamaður þegar Columbus Crew bar 2-1 sigurorð af New England Revolution í MLS-deildinni í Bandaríkjunum í nótt.

Sigurinn var afar kærkominn en Columbus hafði ekki unnið sex síðustu leiki þar á undan.

Kristinn og félagar eru í 5. sæti Austurdeildarinnar með 20 stig eftir 16 leiki.

Kei Kamara skoraði bæði mörk Columbus en hann er markahæsti leikmaður MLS-deildarinnar með 10 mörk.

New England komst yfir strax á 1. mínútu með marki Lee Nguyen en Kamara jafnaði metin aðeins þremur mínútum síðar. Hann skoraði svo sigurmarkið á 50. mínútu.

Kristinn kom inn á sem varamaður á 72. mínútu og fékk að líta gula spjaldið á lokamínútunni.