Norðmenn héldu jöfnu gegn Þýskalandi | Sjáðu magnað aukaspyrnumark Noregs

Þýskaland og Noregur skildu jöfn á HM kvenna í Kanada í kvöld, 1-1. Bæði lið eru með fjögur stig eftir tvo leiki á toppi B-riðils.

María Þórisdóttir var í byrjunarliði norska liðsins en hún spilar sem miðvörður. Hún er dóttir Selfyssingsins Þóris Hergeirssonar, landsliðsþjálfara norska kvennalandsliðsins í handbolta.

Anja Mittag kom Þýskalandi yfir strax á sjöttu mínútu en Marin Mjelde jafnaði metin með marki beint úr aukaspyrnu á 61. mínútu.

Tæland og Fílabeinsströndin eru enn stigalaus í riðlinum en liðin mætast síðar í kvöld.