María lagði upp mark í norskum sigri | Myndbönd

Keppni í B-riðli á HM í Kanada lauk í kvöld með tveimur leikjum.

Í Moncton vann Noregur 3-1 sigur á Fílabeinsströndinni. María Þórisdóttir lék allan leikinn í vörn Noregs og lagði þriðja mark liðsins upp fyrir reynsluboltann Solveigu Gulbrandsen.

Ada Hederberg skoraði hin tvö mörk norska liðsins sem endaði í 2. sæti riðilsins með sjö stig.

Þýskaland fékk einnig sjö stig en var með mun betri markatölu (15-1). Þær þýsku luku riðlakeppninni með 4-0 sigri á Tælandi í Winnipeg í kvöld.

Melanie Leupolz kom Þýskalandi yfir á 24. mínútu og þannig var staðan í hálfleik. Lena Petermann kom inn á í hálfleik og skoraði tvö mörk á þriggja mínútna kafla en þetta voru fyrstu mörk hans fyrir þýska landsliðið. Sara Däbritz skoraði svo fjórða markið á 73. mínútu.