Messan: Umræða um kveðjuleik Gerrard

Strákarnir í Messunni fjölluðu um kveðjuleik Stevens Gerrard á Anfield í þætti gærdagsins.

„Auðvitað var þetta stórt augnablik, og auðvitað átti þetta að vera svona, en leikmennirnir urðu að gíra sig upp til að spila leikinn,“ sagði Gunnleifur Gunnleifsson sem var gestur þeirra Guðmundar Benediktssonar og Hjörvars Hafliðason í þættinum.

Liverpool tapaði leiknum 1-3 en dagurinn snerist allur um Gerrard sem var að kveðja stuðningsmenn Rauða hersins eftir 17 ára glæsilegan feril hjá félaginu.

„Þetta er einstakur ferill sem hann hefur átt,“ sagði Hjörvar og bætti við:

„Ég er ekki að reyna að vera kaldhæðinn eða leiðinlegur en mér fannst leiðinlegt að þetta skyldi fara svona. Maður hefði viljað sjá hann vinna þennan fótboltaleik.

„Kannski var þetta of mikið? Það var eins og enginn annar hefði nokkurn tímann hætt í fótbolta áður,“ sagði Hjörvar en innslagið í heild sinni má sjá í spilaranum hér að ofan.