Mourinho framlengir: Ég verð hér þar til herra Abramovich segir mér að fara

Samkvæmt fréttum bresku blaðanna í morgun er José Mourinho, knattspyrnustjóri Chelsea, búinn að munnlega samþykkja tveggja ára framlengingu á samningi sínum við félagið.

Mourinho gerði Chelsea að Englandsmeisturum á sunnudaginn í fyrsta sinn í fimm ár, en það var jafnframt fimmti Englandsmeistaratitill félagsins.

Hann gerði fjögurra ára samning við Chelsea þegar hann sneri aftur í júní 2013 og var því hálfnaður, en nú er ljóst að Portúgalinn verður á Brúnni til 2019 klári hann samninginn.

Mourinho yfirgaf Chelsea í september 2007 eftir að gera liðið tvisvar sinnum að Englandsmeistara. Hann dvaldi í tvö ár hjá Inter og fór svo til Inter áður en hann sneri aftur til Lundúna.

Hann nýtur lífsins á Stamford Bridge enda búinn að byggja upp meistaralið og vill hann vera stjóri félagsins þar til Roman Abramovic sparkar honum aftur á dyr.

„Eins og ég hef sagt alla leiktíðina vil ég vera hérna svo lengi sem Abramovich vill hafa mig. Daginn sem hann segir mér að fara, fer ég,“ segir José Mourinho.