Fylgdust með farsímanotkun milljarða manna

Bandaríska þjóðaröryggisstofnunin, NSA, og sú breska, GCHQ, brutust inn í kerfi hollenska fyrirtækisins Gemalto sem er stærsti framleiðandi símkorta í heiminum. Þannig fengu stofnanirnar aðgang að milljörðum farsíma út um víða veröld en þetta kemur fram í skjölum frá uppljóstraranum Edward Snowden.

NSA og GCHQ stálu dulkóðunum úr kerfi Gemalto sem gerði þeim kleyft að fylgjast með bæði símtölum einstaklinga og upplýsingum í farsímum þeirra. Sérfræðingar segja að njósnirnar brjóti í bága við alþjóðalög. Auk þess geti vel verið að öryggisstofnanirnar séu enn að njósna með þessum hætti um fólk.

Fram kemur á vef Guardian að þessi nýi leki um persónunjósnir NSA og GCHQ muni valda titringi á alþjóðavettvangi. Skemmst er að minnast harðrar gagnrýni Þjóðverja, Brasilíumanna og annarra á Bandaríkjastjórn og Barack Obama, forseta Bandaríkjanna, þegar fyrst var afhjúpað hversu víðtækar persónunjósnir bandaríska þjóðaröryggisstofnun hefur stundað.