Adrian hetjan í dramatískasta bikarleik tímabilsins | Sjáðu mörkin og vítakeppnina

Spænski markvörðurinn Adrián varði eitt víti í vítakeppninni og skoraði síðan sjálfur úr síðustu vítaspyrnunni þegar West Ham tryggði sér sæti í fjórðu umferð ensku bikarkeppninnar í kvöld.

West Ham vann Everton 9-8 í vítakeppni eftir að liðin hefðu gert 2-2 jafntefli eftir 90 mínútur og framlengingu. Þetta var annar leikur liðanna en fyrri leikurinn endaði með 1-1 jafntefli.

Fulham vann Wolves 5-3 í vítakeppni í kvöld og Bristol City og Chesterfield komust líka áfram í 4. umferðina en það má sjá úrslitin úr öllum leikjum kvöldsins hér fyrir neðan.

West Ham komst í 1-0 í leiknum á Boleyn Ground í kvöld með marki Enner Valencia á 51. mínútu og var síðan manni fleiri frá 56. mínútu þegar Everton-maðurinn  Aidan McGeady sitt annað gula spjald.



Enner Valencia kemur West Ham í 1-0

Aiden McGeady rekinn af velli.

Kevin Mirallas kom inn á sem varamaður á 67. mínútu leiksins þegar Everton var búið að vera marki færri í sextán mínútur og manni færri í ellefu mínútur. Hann  skoraði mark beint úr aukaspyrnu sem tryggði liðinu framlengingu og lagði upp mark fyrir Romelu Lukaku á 97. mínútu sem leit út fyrir að ætla að verða sigurmarkið.



Kevin Mirallas jafnar fyrir Everton og staðan 1-1

Romelu Lukaku kemur Everton í 2-1.

Sam Allardyce, knattspyrnustjóri West Ham, sendi hinsvegar Carlton Cole inná völlinn og hann jafnaði metin skömmu síðar. Markið kom á 113. mínútu og bæði lið fengu tækifæri til að skora fleiri mörk í framlengingunni. Lokatölurnar urðu hinsvegar 2-2.



Carlton Cole jafnar í 2-2

Úrslitin réðust því ekki fyrr en í margframlengdri vítakeppni. Adrián skoraði sigurmarkið úr tuttugustu vítaspyrnunni en rétt áður hafði Joel Robles, markvörður Everton, skotið í slá úr sinni vítaspyrnu. Joel Robles varði víti frá Stewart Downing þegar Downing gat tryggt West ham sigur úr fimmtu spyrnu liðsins.

Vítakeppnin í heild sinni

Vítakeppnin hjá West Ham og Everton:

1-0 Kevin Mirallas

1-1 Mark Noble

Varið Steven Naismith (Adrián)

2-1 Kevin Nolan

2-2 Romelu Lukaku

3-2 Andy Carroll

3-3 Leighton Baines

4-3 Aaron Cresswell

4-4 Bryan Oviedo

Varið Stewart Downing (Joel Robles)

4-5 Gareth Barry

5-5 Carlton Cole

5-6 John Stones

6-6 Enner Valencia

6-7 Phil Jagielka

7-7 Morgan Amalfitano

7-8 Seamus Coleman

8-8 Carl Jenkinson

Sláin Joel Robles

9-8 Adrián



Úrslit og markaskorarar í enska bikarnum í kvöld:

Bristol City - Doncaster    2-0

1-0 Jay Emmanuel-Thomas (35.), 2-0  Jay Emmanuel-Thomas (79.)

Chesterfield - Scunthorpe    2-0 (0-0, framlengt)

1-0 Sam Clucas (104.), 2-0 Sam Clucas (116.)

West Ham - Everton    2-2 (1-1, framlengt)

1-0 Enner Valencia (51.), 1-1 Kevin Mirallas (82.), 1-2 Romelu Lukaku (97.), 2-2 Carlton Cole (112.).

West Ham vann 9-8 í vítakeppni

Wolverhampton - Fulham    3-3 (2-2, framlengt)

0-1 Cauley Woodrow (26.), 1-1 David Edwards (69.), 2-1, Rajiv van la Parra (72.), 2-2 Cauley Woodrow (74.), 3-2 David Edwards (108.), 3-3 Ross McCormack (120.)

Fulham vann 5-3 í vítakeppni