Guardiola segist ekki á eftir Varane

Pep Guardiola þjálfari Þýskalandsmeistara Bayern Munchen segir ekkert hæft í því hann sé á eftir miðverðinum Raphael Varane hjá Real Madrid.

Spænska dagblaðið Marca segir þennan fyrrum stjóra Barcelona renna hýru auga til Varane en hann hefur mátt þola að sitja mikið á bekknum hjá spænska stórliðinu undtir stjórn Carlo Ancelotti.

„Blaðið sagði einnig að Matthias Sammer íþróttastjóri væri á leið til Sevilla en hann framlengdi samning sinn í sumar,“ sagði Guardiola þegar hann var spurður út í sögusagnirnar.

„Marca er ekki með númerið mitt en það er kannski með númerið hjá Jorge Mendes (umboðsmanni). Auðvitað er þetta rangt.“