Lögreglan mun ganga úr skugga um að ökumenn sem lenda í slysum hafi ekki verið í símanum

Lögreglan á Englandi mun nú kanna síma þeirra sem lenda í umferðarslysum. Gögn úr símanum verða könnuð, til að ganga úr skugga um að símar ökumanna hafi ekki verið í notkun áður en þeir lentu í slysum.

Þetta er liður í því að fækka umferðarslysum sem verða vegna þess að ökumenn eru að tala í farsíma sína eða nota þá til þess að senda skilaboð, skoða netið eða eitthvað slíkt.

Í breska miðlinum The Mirror, segir að í gögnum frá hinu opinbera í Englandi komi fram að viðbragðstími þeirra sem noti símann undir stýri sé fjórum sinnum lengri en annarra. Edmund King, formaður samtaka bifreiðaeigenda í Englandi, fangar þessu breytta vinnulagi lögreglunnar. „Svo virðist sem margir séu hreinlega háðir símanum sínum og verði alltaf að vera að skoða textaskilaboð eða annað á netinu,“ segir hann og bætir við:

„Við þurfum að ná tökum á þessu vandamáli og það er gert með hærri sektum og þyngri refsingum í bland við upplýsingaherferð.

Þetta breytta vinnulag lögreglunnar hefur verið gagnrýnt. Sumir telja að lögreglumenn muni verja of miklum tíma í rannsókna allra slysa auk þess sem einhverjir hafa áhyggjur af því að ökumenn sem lendi í slysi muni fá bílana sína afhenta miklu seinna en áður.