Var fleygt fyrir svanga hunda

Kim Jong-un, leiðtogi Norður-Kóreu, er sagður hafa látið svanga hunda éta Jang Song-thaek, eiginmann föðursystur sinnar.

Kínverska dagblaðið Wen Wei Po greinir frá málinu og fullyrðir að Song-thaek hafi ásamt fimm öðrum verið látinn afklæðast og hent inn í búr þar sem 120 hundar sem höfðu verið sveltir í þrjá daga réðust á mennina.

Kim Jong-un og 300 samstarfsmenn hans eru sagðir hafa fylgst með hundunum éta mennina í meira en klukkustund. Einræðisherrann hafði sakað Song-thaek, sem eitt sinn var annar valdamesti maður landsins, um spillingu og landráð.