Bananaveldi í harðri deilu

Stærsta bananafyrirtæki í heimi, Chiquita, stendur í harðvítugri deilu við fórnarlömb árásanna á tvíburaturnana þann ellefta september síðastliðinn. Fórnarlömbin og fjölskyldur þeirra hafa um nokkra hríð beitt sér fyrir nýjum hryðjuverkalögum í Bandaríkjunum. 

Lögin snúast um að lögsækja megi þá sem stutt hafa við hryðjuverkamenn eða samtök.

Chiquita hefur átt í viðskiptum við Sameinuðu varnarsveitir Kólumbíu, samtök sem skilgreind eru sem hryðjuverkasamtök í Bandaríkjunum. Vegna þessa hefur fyrirtækið nú eytt nærri níutíu milljónum í herferð gegn nýju lögunum til að freista þess að verða ekki sótt til saka fyrir viðskiptin.