Risastór moska vígð í Köben

Dönsku konungsfjölskyldunni og forsætisráðherra Danmerkur hefur verið boðið að vera við formlega vígslu fyrstu stóru moskunnar í Danmörku þann 19. júní næstkomandi.

Moskan er 6.700 fermetrar að stærð og er við Rovsinggade í norðvesturhluta Kaupmannahafnar. Á vef Kristilega dagblaðsins segir að Katar hafi veitt 150 milljónir danskra króna til byggingarinnar.

Helle-Thorning-Schmidt forsætisráðherra tilkynnti þinginu í skriflegu svari í febrúar að hún yrði ekki viðstödd.