Fyndnasta víti allra tíma?

Adey Ashadh Ali hefur heldur betur vakið athygli fyrir áhugaverða tilburði í vítaspyrnukeppni á milli Maldives og Afganistan í áskorendakeppni Asíu á fimmtudaginn.

Maldives og Afganistan mættust í leiknum um þriðja sætið í keppninni og eftir að liðin skildu jöfn 1-1 þurfti að grípa til vítaspyrnukeppni.

Maldives höfðu betur í vítaspyrnukeppninni en meðal markaskorara var Ali. Hann lét sig falla með leikrænum tilburði í aðhlaupinu, tók markvörðinn úr jafnvægi með því áður en hann reis á fætur og sendi boltann í markið.

Ákaflega athyglisverðir tilburðir en sjón er sögu ríkari.