Skotárás í herstöð í Afganistan

Maður í klæðum afgangskra hermanna hóf skothríð á erlenda hermenn í herstöð í Afganistan. Maðurinn felldi að minnsta einn bandarískan hermann og særði 15 manns. Þeirra á meðal háttsettan þýskan hershöfðingja.

Talsmaður varnarmálaráðuneytis Afganistan sagði AP fréttaveitunni að „hryðjuverkamaður“ í hermannabúningi hefði verið skotinn. Hann hefði meðal annars sært þrjá yfirmenn í hernum.

Þýski herinn segir að NATO hermaður hafi látið lífið og að fimmtán aðrir hermenn NATO hafi særst.

Herstöðin eru undir yfirráðum Breta og varnarmálaráðuneyti Bretlands hefur gefið út þær upplýsingar að málið sé til rannsóknar. Ótímabært sé að veita frekari upplýsingar.

Uppfært 17:30

Bandaríski hermaðurinn sem lést var háttsettur hershöfðingi, samkvæmt frétt á vef BBC.

Hann er háttsettasti hermaður Bandaríkjana sem fallið hefur síðan innrásin var gerð í Afganistan árið 2001.

Samkvæmt heimildum BBC varð skotárásin í kjölfar deilna bandarískra hermanna við hermann frá Afganistan. Hermaðurinn er sagður hafa skotið á stóran hóp hermanna víðsvegar að úr heiminum.

Þegar hann hafði klárað öll skot sín höfðu 12 manns orðið fyrir skoti.