Aspirín gæti dregið úr líkum á krabbameini

Ný bresk rannsókn er sögð benda til þess að regluleg inntaka á verkjalyfinu Aspiríni geti dregið úr líkum á sumum tegundum krabbameins hjá miðaldra fólki.

Lyfið virðist hafa mest áhrif á krabbamein í maga og öðrum meltingarfærum og telja rannsakendur að hægt væri að koma í veg fyrir um 130 þúsund dauðsföll á tuttugu ára tímabilli í Bretlandi ef allir Bretar á aldrinum 50 til 64 ára tækju lyfið að staðaldri.

Aspírín hefur þó slæmar aukaverkanir í för með sér fyrir þá sem þjást af magasári en yfirmaður rannsóknarinnar hvetur heimilislækna til þess að ávísa lyfinu til þeirra sem ekki kenna sér slíkra meina.