Flugvél hrapaði á svefnherbergi 11 ára drengs

Ellefu ára gamall brasilískur drengur slapp með skrekkinn á dögunum þegar flugvél hrapaði á svefnherbergi hans. Fyrr um kvöldið hafði strákurinn nuðað í foreldrum sínum um að fá að sofa í þeirra herbergi um nóttina og eftir töluvert rifrildi fékk stráksi sínu fram.

Fjölskyldan vaknaði svo upp við gríðarleg læti þegar flugvél með fimm innanborðs hrapaði á hús fjölskyldunnar. Heimilismenn náðu að bjarga sér með því að stökkva út um svefnherbergisgluggann en í vélinni létust allir. Móðir drengsins sagði síðar við brasilíska fjölmiðla að stundum borgi það sig að láta eftir börnunum.