Bandaríkjamaðurinn í lífshættu

Læknar í Dallas segja ástand mannsins sem greindist með ebólu í Bandaríkjunum hafa breyst úr alvarlegu í lífshættulegt. Maðurinn, Thomas Eric Duncan, er sá fyrsti sem greinst hefur með veiruna í Bandaríkjunum en nýlega var hann á ferðalagi um Vestur-Afríku.  Níu hafa verið færðir í sóttkví vegna gruns um smit, þar á meðal unnusta hans og sonur, en grunur leikur á að fimmtíu til viðbótar séu í hættu.

Hann á nú yfir höfði sér ákæru þar sem yfirvöld í Líberíu segja hann hafa logið til að komast um borð í flugvél til Bandaríkjanna.